2022-жылдагы “Азык-түлүк коопсуздугу жана кедейчилик боюнча маалыматтык бюллетень” басууга даярдалды

Publications: 27.02.2023

Азык-түлүк коопсуздугу жана кедейчилик боюнча маалыматтык бюллетень 2022-жылдагы өлкөдөгү азык-түлүк менен камсыз болуу деңгээлинин талдоосун камтыйт. Бюллетенде азык-түлүктүн болуусу, аны өндүрүү жөнүндө материалдар, азык-түлүктүн жеткиликтүүлүк көрсөткүчтөрү, калктын адам башына алгандагы азык-түлүктүн керектөөсү жөнүндө маалыматтар бириктирилген жана тутумдаштырылган.

Тиркемелерде Кыргыз Республикасынын аймактарындагы гидрометеорологиялык шарттардын баяны, 2021-2022-жылдардын IV кварталындагы тамак-аш азыктарына болгон орточо чекене баалар жөнүндө маалымат, 2022-жылдын 9 айы үчүн 5 016 үй чарбаларынын интеграциялык тандалма изилдөөсүнүн жыйынтыгы боюнча энергетикалык баалуулук түрүндөгү тамактануу теңдеми, ошондой эле бир нече жылдар боюнча азык-түлүктүк коопсуздук индикаторлору камтылган. Кененирээк «Басылмалар» бөлүмүнөн таанышсаңыз болот.

________________________________________________________

Үй чарбалар статистикасы бөлүмү    | e-mail:tmambetaliev @stat.kg |  тел. + 996 (312)  324655