Улутстаткомдо төраганын жаңы биринчи орун басарын тааныштырышты
Publications: 02.02.2022
Кыргыз Республикасынын Президентинин Тескемесине ылайык, Орозбаева Айнура Джантаевна Кыргыз Республикасынын Улуттук статистика комитетинин төрагасынын биринчи орун басары болуп дайындалды.
2022-жылдын 2-февралында Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо башкармалыгынын башчысы Алтынбек Эргешов Улутстаткомдун эмгек жамаатына төраганын жаңы биринчи орун басарын тааныштырды. А. Эргешов Айнура Орозбаеванын мамлекеттик кызматтагы зор тажрыйбасын белгилеп, жаңы кызматына ийгиликтерди каалады.
Өз кезегинде Улутстаткомдун төрагасы Бактыбек Кудайбергенов Айнура Орозбаева өзүнүн топтогон тажрыйбасы менен статистика органдарынын алдында турган жаңы максаттарды жүзөөгө ашырууда кесипкөйлүгүн көрсөтө аларына ишене тургандыгын билдирди.
Кыргыз Республикасынын Президентинин башка Тескемесине ылайык, Насирдинов Самат Насирдинович өз каалоосу менен Улутстакомдун төрагасынын биринчи орун басары кызматынан бошотулду.
