Улутстаткомдо 2008-жылдагы Улуттук эсептер системасынын стандарттарын киргизүү келечегин талкуулоо боюнча консультациялык жолугушуу болуп өттү

Publications: 13.05.2022

Улутстаткомдо 2022-жылдын 13-майында Евразия экономикалык комиссиясынын, КМШнын Статкомитетинин жана республиканын улуттук эсептер системасын түзүү принциптерине ылайык негизги макроэкономикалык көрсөткүчтөрдү эсептөө  боюнча консультациялар болуп өттү.

Консультациялардын алкагында тараптар 2008-жылдагы улуттук эсептер системасынын стандарттарын киргизүү перспективаларын талкуулашты. Улутстаткомдун төрагасы Бактыбек Кудайбергенов ЕЭКтин өнөктөштөрүнө УЭС 2008 киргизүү боюнча Кыргыз Республикасындагы учурдагы кырдаал жөнүндө маалымат берди. Ал белгилегендей, Улутстатком 2017-жылдын ортосунан тартып 2008-жылдагы Улуттук эсептер системасынын стандарттарын тезирээк киргизүүгө багытталган иш-чараларды жүргүзүп келет. Ошондой эле ал Дүйнөлүк банктын жана эл аралык валюта фондунун эксперттеринин колдоосун белгилеп, анын аркасында Кыргызстанда бир катар методологиялык жоболор иштелип чыгып, ИДПнын көлөмүнө, өсүү темпине жана түзүмүнө таасир этүүчү көрсөткүчтөргө баа берилди.

Өз кезегинде, ЕЭК төрагасынын Коллегиясынын Катчылыгынын жетекчиси Владимир Зиновский улуттук эсептер системасын түзүү жана ИДПны эсептөө боюнча иштер жалпы кабыл алынган эл аралык методологияларга ылайык аткарылып жаткандыгын жана Кыргызстандын УЭС-2008ге өтүшү - бул адам ресурстарын жана тиешелүү убакытты талап кылган масштабдуу, узак мөөнөттүү иш экендигин белгиледи. Мындан тышкары, улуттук эсептер системасын өнүктүрүү статистиканын башка системаларын (төлөм балансынын статистикасы, мамлекеттик финансы статистикасы ж.б.) макулдашуусуз жана өз ара байланышта өнүктүрүү мүмкүн эмес экендиги белгиленди.

"Кыргыз Республикасында улуттук эсептер системасынын негизги көрсөткүчтөрү, анын ичинде талдоонун негизги аспекттери (экономикалык иштин түрлөрү, экономиканын институционалдык секторлору, региондук тилке боюнча ж.б.), байкалбай турган экономикага баа берүү боюнча жылдык жана ички жылдык маалыматтарды деталдаштыруу үзгүлтүксүз иштелип жатат", - деп белгиледи КМШнын Статкомитетинин төрагасынын орун басары А. Е. Косарев.

Жолугушуунун аягында тараптар консультация протоколуна кол коюшту жана улуттук эсептер системасын өркүндөтүү боюнча мындан аркы аракеттер аныкталды.