Улутстатком 2025-жылы Улуттук ыктыярдуу серепти даярдоодо жарандык сектордун маалыматтарынын ролу жөнүндө семинар өткөрдү
Басылмалардын датасы: 19.03.2025
Улутстатком туруктуу өнүктүрүү максаттары боюнча 2025-жылы Улуттук ыктыярдуу серепти даярдоодо жарандык сектордун маалыматтарынын ролун талкуулоого арналган семинар өткөрдү. Иш-чара негизги улуттук кызыкдар тараптардын, анын ичинде жарандык коом уюмдарынын, мамлекеттик мекемелердин жана өнүктүрүү боюнча өнөктөштөрдүн катышуучуларын чогултту.
Семинар жарандык коом уюмдарынын, өкмөттүк эмес уюмдардын жана маалымат алмашуу жаатындагы кызматташтыктын мамлекеттик мекемелеринин ортосундагы өнөктөштүк мамилелерди бекемдөөгө багытталган.
Семинардын негизги багыттары:
-
Копенгаген алкактык программасы жана жарандык сектордун маалыматтарын киргизүү стратегиясы менен таанышуу.
-
Маалыматтарды ишенимдүү жана инклюзивдүү чогултуу маданиятын калыптандырууга көмөктөшүүчү Улуттук статистикалык комитеттин маалыматтардын куратору катары ролун талкуулоо.
-
Жарандык коом уюмдарын чечим кабыл алууда колдонулган маалыматтардын сапатын жакшыртуу үчүн маалыматтарды чогултуунун статистикалык ыкмалары жана принциптери менен тааныштыруу.
-
Мамлекеттик жана мамлекеттик эмес уюмдардын ортосундагы өнөктөштүктү бекемдөө үчүн жарандык сектор менен Улуттук статистикалык системанын ортосундагы кызматташуу аракеттеринин биргелешкен планын иштеп чыгуу.
-
Семинар Кыргыз Республикасында маалыматтарды координациялоону жана башкарууну жакшыртуу, ошондой эле улуттук ыктыярдуу серепти даярдоону колдоо жана өлкөнүн статистикалык потенциалын чыңдоо үчүн маанилүү платформа болуп калды. Катышуучулар жарандык сектордун, мамлекеттин жана өнүктүрүү боюнча өнөктөштөрдүн биргелешкен аракеттери менен ТӨМ көрсөткүчтөрүнө мониторинг жүргүзүү үчүн колдонулган маалыматтардын ачыктыгын жана ишенимдүүлүгүн кантип жогорулатууга болорун талкуулашты.
Маалымдама:
Улуттук ыктыярдуу сереп — бул өлкөлөр туруктуу өнүгүү максаттарын ишке ашыруудагы прогрессти баалаган жана көрсөткөн процесс. 2025-жылы Кыргызстан жогорку деңгээлдеги саясий форумда талкуулана турган экинчи Улуттук ыктыярдуу сереп менен тааныштырат.
