Улутстаткомдун төрагасы Бактыбек Кудайбергенов расмий статистикалык маалыматтар өндүрүшүн санариптештирүү маселелери боюнча IT-эксперттер менен жолугушуу өткөрдү
Басылмалардын датасы: 04.04.2025
Улутстаткомдун төрагасы Бактыбек Кудайбергенов IT-эксперттер Никол Орлич, МКТ системаларынын аналитиги, жана Карло Вакари, статистикалык стандарттар боюнча IT-эксперт менен жолугушту. Жолугушууда Улутстаткомдо расмий статистикалык маалыматтарды өндүрүүнү оптималдаштыруу үчүн IT-архитектурасын иштеп чыгуу маселеси талкууланды.
Жолугушуунун жүрүшүндө, маалыматтарды топтоо, иштеп чыгуу жана таратуу процессин санариптештирүү стратегиялары каралды, анын максаты — кагаз түрүндөгү отчетторду жокко чыгаруу. Маанилүү жагдай катары, Улутстатком тарабынан бизнес-процесстерди модернизациялоонун биринчи этабы аякталып, санариптештирүү жана метамаалыматтарга багытталган жаңы бөлүмдөр түзүлгөндүгү белгиленди.
Эксперттер тарабынан статистикалык маалыматтын жогорку сапатын жана коопсуздугун камсыз кылган интеграцияланган системаны түзүү боюнча бир катар сунуштар сунушталды.
"Процесстерди санариптештирүү статистиканын натыйжалуулугун жана жеткиликтүүлүгүн жогорулатууга жардам берет", - деп белгиледи Бактыбек Кудайбергенов.
