ПРЕСС-АНОНС. 2024-жылдын январь-июнундагы Кыргыз Республикасынын социалдык-экономикалык абалынын жыйынтыктары
Басылмалардын датасы: 09.07.2024
Улуттук статистика комитети ай сайын айдын биринчи декадасында пресс-конференция өткөрөт, анын башкы максаты республиканын социалдык-экономикалык абалы жөнүндө коомдун маалымдуулугун жогорулатуу болуп саналат.
Алдыдагы жолугушуунун жүрүшүндө Улутстаткомдун кызматкерлери пресс-конференциянын катышуучуларына 2024-жылдын январь - июнь айларындагы Кыргыз Республикасынын социалдык-экономикалык абалынын жыйынтыктары жөнүндө маалыматтар менен бөлүшүп, андан тышкары 2023-жылдагы байланыш кызматтары жөнүндө жана Кыргыз Республикасынын калкынын 2023-жылдагы кирешеси боюнча маалымат беришет.
Өтө турган убактысы: 2024-жылдын 10-июлунда, башталышы саат 14:00
Өтө турган жери: Улуттук статистика комитети, 720033, Кыргыз Республикасы, Бишкек шаары, Фрунзе көчөсү 374, пресс-борбор (1-кабат).
Баяндамачылар:
- Керималиева Назира Керималиевна - Кыргыз Республикасынын Улуттук статистика комитетинин төрагасынын биринчи орун басары;
- Текеева Люксина Айгуфовна - Керектөө рыногу, маалыматтык-коммуникациялык технологиялар жана туризм статистикасы башкармалыгынын начальниги;
- Мамбеталиев Тимур Айтбекович - Туруктуу өнүгүү жана айлана-чөйрө статистикасы башкармалыгынын башчысы.
****
Республиканын эң маанилүү мамлекеттик маалыматтык системасы болуп саналган Кыргыз Рекспубликасынын Улуттук маалыматтык-статистикалык системасы рыноктук экономиканын заманбап талаптарына жооп берет, мамлекеттик бийлик органдарын жана коомчулукту республиканын социалдык, экономикалык, демографиялык жана экологиялык абалы жөнүндө керектүү маалымат менен камсыз кылат.
Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме көрсөтүүгө милдеттүү ("Расмий статистика жөнүндө" Кыргыз Республикасынын Мыйзамынын 30-беренеси).
