«Туруктуу өнүгүү максаттарынын статистикасы» семинары

Басылмалардын датасы: 27.06.2023

2023-жылдын 26-27-июнунда Кыргыз Республикасынын Улуттук статистика комитети эл аралык кызматташтык боюнча Герман коомунун (GIZ) колдоосу менен "туруктуу өнүгүү максаттарынын статистикасы" семинарын өткөрөт.

Семинар Кыргыз Республикасынын мамлекеттик органдарынын адистеринин туруктуу өнүгүү максаттарынын көрсөткүчтөрүн түшүнүү, интерпретациялоо, эсептөө жана пайдалануу жаатындагы потенциалын жогорулатууга багытталган. Семинарга Экономика жана Коммерция министрлигинин, Билим берүү жана илим министрлигинин, Эмгек жана социалдык камсыздоо жана миграция министрлигинин, Саламаттык сактоо министрлигинин жана башка мамлекеттик органдардын өкүлдөрү катышууда.

Улутстаткомдун төрагасы Б.Ж. Кудайбергенов белгилегендей, Улутстатком үчүн башкы максаттуу багыттардын катарында ТӨМ үчүн мониторингдин жана отчеттуулуктун натыйжалуу системасын түзүү жана статистиканы колдонуучулардын кеңири чөйрөсү үчүн толук, сапаттуу жана ишенимдүү маалыматтарды берүү болуп саналат. Статистика коомдук турмуштун жана экономиканын ар кандай аспектилери жөнүндө объективдүү маалымат берет, бул республиканын жетекчилигине кырдаалды талдоого жана саясатты иш жүзүндөгү маалыматтардын негизинде иштеп чыгууга жардам берет.

Тажрыйба көрсөткөндөй, статистикалык маалыматты пайдалануучулардын арасында статистикалык сабаттуулукту жогорулатууга муктаждык бар жана бул семинар ушул жааттагы алгачкы кадамдардын бири болуп саналат.