2024-жылы лизинг келишимдеринин өсүшү белгиленди
Басылмалардын датасы: 27.03.2025
2024-жылы лизинг ишмердигин* 22 компания жүргүздү, алар менен 3,7 миң келишим түзүлдү, бул 2023-жылга караганда 24%га көп. Мында бардык лизингдик келишимдер финансылык лизинг шарттарында түзүлдү.
Мындай келишимдердин жалпы наркы 2024-жылы 6,6 млрд. сом өлчөмүндө түзүлдү, бул 2023-жылдын деңгээлинен 208 млн.сомго аз.
Финансылык лизингдин түзүмүндө эң көп сумма (3,0 млрд.сом, же 45,5%) транспорт каражаттарын сатып алууга түзүлгөн келишимдерге туура келген.
Ошол эле учурда лизинг предмети болгон айыл чарба техникалары, машиналары жана механизмдери болгон контракттардын наркынын үлүшү 2023-жылдагы 23%дан 2024-жылы 26%га чейин өскөн, ал эми жол куруу техникасынын лизингдик келишимдеринин наркынын үлүшү тескерисинче, 24 пайыздык пунктка кыскарган.
Лизинг предметтери боюнча финансылык лизинг шарттарында түзүлгөн келишимдердин наркы
(финансылык лизинг келишимдеринин жалпы наркына карата пайыз менен)
*Лизинг ишмердиги - лизинг келишими боюнча ижарага берүүчүнүн (юридикалык жактар) менчик жана/же зайымдык каражаттарын инвестициялоого багытталган инвестициялык ишмердиктин түрү.
