Республикада кылмыштардын олуттуу өсүшү катталды

Басылмалардын датасы: 28.07.2021

Кыргыз Республикасынын Башкы прокуратурасынын маалыматтары боюнча 2021-жылдын январь-июнда республиканын аймагында 23,5 миң кылмыш катталган, алардын саны 2020-ж. январь-июнуна салыштырганда 1,5 эсеге көбөйгөн, ошондой эле 12 миңге жакын жоруктар (дээрлик 30% көп) катталган. Ошол эле учурда, кылмыштардын басымдуу бөлүгү (алардын жалпы санынын 61%дан ашык) Бишкек шаарында жана Чүй облусунда жасалган.

Кылмыштардын жалпы санында 2 миңден ашыгы же 11,6% оор жана өзгөчө оор кылмыштарга туура келген. Бул кылмыштардын негизги бөлүгүн жеке менчикке каршы кылмыштар түзгөн. 2020-жылдын январь-июнунда салыштырмалуу жалпы республика боюнча алардын саны 1,6 эсеге, анын ичинде алдамчылык – 2,1 эсеге, уурдоо – 1,5 эсеге, тоноо – 24,5%га өстү.

Өткөн жылдын январь-июнунда салыштырмалуу жалпы республика боюнча инсанга каршы кылмыштардын саны дээрлик үчтөн бириге көбөйдү. Муну менен бирге, өлтүрүүнүн саны - 26%га, зордуктоо жана зордуктоо максатында кол салуу учурларынын саны - 34%га, ден соолукка анча оор эмес зыян келтирүү – 6%га көбөйдү. 

Үстүбүздөгү жылдын жарым жыл ичинде өткөн жылдын ушул мезгилине салыштырмалуу, кызмат абалынан кыянаттык менен пайдалануу 36%га, ишенип берилген мүлктү ыйгарып алуу же чыгымдоо учурлары - 2,2 эсеге жана паракорлук – 1,4 эсеге өстү.

Баңгизаттарды мыйзамсыз жүгүртүүгө байланышкан кылмыштардын саны олуттуу (23%га) көбөйдү. Ушундай кылмыштардын эң чоң үлүшү (57%дан ашыгы) баңги заттарды сатып өткөрүү максатында сактоо менен байланышкан жана 40%га жакыны - баңги заттарды сатууну максат кылбастан сактоо менен байланышкан.

Кылмыштардын санынын эң көбү Ысык-Көл облусунда (2,4 эсеге), Ош шаарында (1,7 эсеге), Ош облусунда (1,5 эсеге) жана Бишкек шаарында (1,4 эсеге) өсүшү белгиленди.

Январь-июндагы катталган кылмыштардын аймактар боюнча саны

Үстүбүздөгү жылдын биринчи жарым жылдыкта кылмыш жасаган 13 миңден ашык адам аныкталды, бул өткөн жылдын тийиштүү мезгилине салыштырмалуу 15,6%га көп. Алардын жалпы санынын 17%га жакыны - аялдар, 5%га жакыны - жашы жете электер түздү, жана кылмыш жасаган адамдардын санынан 54%га жакыны эч жерде иштеген эмес же окуган эмес.

______ ___________________________________________________________

Социалдык статистика бөлүмү e-mail: rakhmanovazz@mail.ru e-mail: social-nsc@mail.ru тел.+996(312) 32 46 52

Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме көрсөтүүгө милдеттүү («Расмий статистика жөнүндө» Кыргыз Республикасынын Мыйзамынын 30-беренеси).