2016-жылдын январь-сентябрында негизги капиталга инвестициянын көлөмүнүн өсүүсү белгиленди

Басылмалардын датасы: 13.10.2016

Алдын-ала маалыматтар боюнча негизги капиталга өздөштүрүлгөн    инвестициянын көлөмү 2016-жылдын январь-сентябрында 70 млрд. сомду түзүп, 2015-жылдын январь-сентябрына салыштырмалуу 8,1 пайызга көбөйдү. Муну менен бирге ички булактардын эсебинен каржыланган инвестициялар 2,9 пайызга, тышкы булактардын эсебинен 24,8 пайызга көбөйдү.

Негизги көлөмү (инвестициянын жалпы көлөмүнүн 79 пайызы) пайдалуу кендерди казуу, электр энергия, газ, буу жана кондицияланган аба менен камсыздоого (жабдуу), транспорт ишмердиги, билим берүү жана турак жай объекттеринин курулушуна багытталган.

Үстүбүздөгү жылдын январь-сентябрында 712,9 миң чарчы метр жеке турак жай пайдаланууга берилди, бул өткөн жылдын тийиштүү  мезгилине салыштырмалуу 7,8 пайызга аз.

______________________________________________________________________

Реалдуу сектор статистикасы башкармалыгынын  |e-mail:birukova@stat.kg;|тел. + 996 (312) 324642

инвестиция статистикасы бөлүмү

Статистикалык маалыматтарды жалпыга маалымдоо каражаттарында жана илимий эмгектерде пайдаланууда, учурда маалыматтык тармактарда,кагазда, магниттик жана башка алып жүрүүчөлөрдө таратканда, пайдалануучулар алардын булагын көрсөтүүгө милдеттүү. (Мамлекеттик статистика жөнүндө Мыйзамдын 17-беренеси).