Жарандык авиация күнү: Цифралар жана фактылар
Басылмалардын датасы: 07.10.2026
Жыл сайын октябрь айында жарандык авиация Күнү белгиленет.
Бүгүнкү күндө жарандык авиация өндүрүштүк жана социалдык инфратүзүмүнүн маанилүү курамдык бөлүгү, анын натыйжалуу жана туруктуу өнүгүшү жана иштеши улуттук коопсуздукту, туруктуу экономикалык өсүштү камсыз кылуунун зарыл шарты болуп саналат.
2025-жылы «Манас» эл аралык аэропорту жана башка аймактык аэропорттор өлкөнүн бардык аэропортторун башкарган мамлекеттик корпорация — «Кыргызстандын аэропорттору» ачык акционердик коомуна бириктирилген. Бул ишкана Кыргызстандын аймактарын бири-бири жана тышкы дүйнө менен байланыштырган негизги транспорттук инфраструктуранын ишин камсыздайт.
Учурда өлкөнүн башкы аба дарбазасы — «Манас» эл аралык аэропорту — Борбордук Азиядагы эң ири жана эң заманбап аэропорттордун бири болуп саналат.
«Кыргызстандын аэропорттору» ААКсы 11 аэропортту камтыйт: 6 эл аралык жана 5 аймактык.
2025-жылы Кыргызстандын аэропорттору 6 миллиондон ашык жүргүнчүнү тейлеген.
«Манас» эл аралык аэропорту эл аралык жана ички каттамдарды тейлейт. Ал учактардын бардык түрүн кабыл алууга жөндөмдүү жана аймактагы эң узун асфальтталган учуу-конуу тилкесине ээ. Анын уюштуруу түзүмүнө Ош, Ысык-Көл, Каракол жана Баткен аэропорттору да кирет. Ал эми калган аэропорттор — Жалал-Абад, Исфана, Кербен, Казарман, Нарын жана Талас — бир гана ички каттамдарды тейлеген аймактык филиалдар катары иш алып барат.
2025-жылы улуттук авиакомпаниялардын аба каттамдары аркылуу ташылган жүргүнчүлөрдүн жалпы саны 1,8 миллионду түздү; мында эл аралык каттамдардын үлүшү 42 пайызды, ал эми ички каттамдардыкы 58 пайызды түздү.
____________________________________________________________________________
Соода жана кызмат көрсөтүү, МКТ жана туризм статистикасы башкармалыгы
/e-mail:ltekeeva@stat.kg |тел. + 996 (312) 324650, 324918
Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме берүүгө милдеттүү ("Расмий статистика жөнүндө" Кыргыз Республикасынын Мыйзамынын 30-беренеси).
