Улутстаткомдо санариптик өнүктүрүү боюнча Төраганын орун басары тааныштырылды
Басылмалардын датасы: 16.10.2024
Кыргыз Республикасынын Президентинин тескемеси менен санариптик өнүктүрүү боюнча Улуттук статистика комитетинин төрагасынын орун басары кызматына Кольбаев Эркин Юсупович дайындалды.
16-октябрь 2024-жылы Кыргыз Республикасынын Президентинин жана Министрлер Кабинетинин чечимдерин даярдоо башкармалыгынын тармактык саясат бөлүмүнүн башкы эксперти Самат Султаналиев Улуттук статистика комитетинин борбордук аппаратында Төраганын жаңы орун басары Кольбаев Эркин Юсуповичти тааныштырды.
Улутстаткомдун төрагасы Бактыбек Кудайбергенов, Эркин Кольбаев жакшы тажрыйбага ээ болуу менен аны иш процесстерин оптималдаштырууга жана статистикалык маалыматтарды эсепке алуу жана берүү сапатын жогорулатууга багытталган санариптик демилгелерди стратегиялык өнүктүрүү үчүн колдоноруна ишенимин билдирди.
Буга чейин Эркин Кольбаев Кыргыз Республикасынын Улутстаткомунун Интеллектуалдык маалыматтар борборунун директорунун орун басары болуп иштеген.
